الرئيسة » حياة يومية

حياة يومية

أفكار، إسلام، مذكرات وكل ما يصادفني في هذه الحياة والتي تقدح زناد ذهني فيبدأ عقلي في العمل وطرح الأسئلة، فأضعها هنا على هيئة مقالة قصيرة أو طويلة لعلني أجد فيكم من يروي ظمأ عقلي بالإجابة، أو حتى بالمواساة لجهلي، وربما حتى ستجد فيها عزاء لك فيهون عليك ظمأك العقلي!

ذلك الطفل داخلنا

أذكر تلك اللحظة التي دخلت فيها إلى غرفة “تحت الدروج” بفضول.
أردت إستكشاف ماوراء الباب فقمت بغلقه، ولسبب أجهله قفلت الباب بالمفتاح في حركة واحدة عفوية لا أقصدها، لأني بالأصل لا أعلم ماذا يفعل هذا المفتاح.
عندما إنتهيت من مهمة الإستكشاف وأردت الخروج، لم أستطع فتح الباب، ولم أفهم لماذا يحدث هذا وتعذر علي فتحه، فبدأت في الصراخ والبكاء محاولاً في رعب أن احرك مسكة الباب وأسحبها عدة مرات بقوة شديدة.
اقرأ المزيد »ذلك الطفل داخلنا

أليس منكم رجل رشيد؟

كل ماواحد يهفت ويقول إن شاء الله ايصير خير في هالبلاد وتتطور، ايصيرلك موقف يخليك تسأل بأعلى صوت: أليس منكم رجل رشيد؟
تسمع تقربيع عالصبح، تطلع تلقى البلدية جايين يصلحو في طوبو المية قدام القاراج، تنزل جري تلحق بتطلع السيارة، تلقاهم كبروها الحفرة وسيارتك معاش تطلع!اقرأ المزيد »أليس منكم رجل رشيد؟

إن الله لا يغير ما بقوم حتى يغيروا ما بأنفسهم

الاحداث السلبية وتغيير حياتنا للأفضل

السلام عليكم، كانك من جماعة نقرا سطرين ونمشي نعلّق فأرجوك سألتك بالله، حاول إنك تفضي نفسك 5 دقايق وتقرا قبل ما تعلق، لأن كل كلمة هنايا كتبتها لسبب مش لحشو الفراغات!

اللي نقرو فيه ونشوفو فيه راهو يأثر على نفسيتنا من غير مانحسو، لأن العقل الباطن اللي ماعندناش سلطة عليه، حتى هو ليه قدرة على صنع قراراتنا.

#ليبيا_إلى_السلام

هذا تذكير لأصحاب الهاشتاق #ليبيا_إلى_السلام، فالسلام الحقيقي ليس بالأقوال والرغبات والمشاركات على الفيسبوك، السلام يصنع بالأفعال. يقول الله تعالى:  {وَابْتَغِ فِيمَا آَتَاكَ اللَّهُ الدَّارَ الآَخِرَةَ… اقرأ المزيد »#ليبيا_إلى_السلام

دم الشهداء مايمشيش هباء!

دم الشهداء.. ما يمشيش هباء !

لست من هواة كرة القدم، ولكن القصة بدأت بمنشور على الفيسبوك لصديق العائلة الدكتور أسامة الزيات وتعليق عليه من السيد محمد الشريدي أستفزني لتركيب القصة في صورة واحدة.

الإيمان بالخرافات والغيبيات من مظاهر ثقافة العصور المظلمة

العصور المظلمة

العصور المظلمة مصطلح يستخدم للدلالة على العصور الوسطى في أوروبا وهي الفترة ما بين الأعوام 400 – 1400 تقريباً، وتميزت العصور المظلمه بتفشي الجهل والتزمت الديني الشديد وتعاظم دور الكنيسة في مختلف مجالات الحياة و أيضاً بانتشار الحروب العسكرية بين الشعوب الاروبية و الجرمانية. العالم الإيطالي فرانسيسكو بتراركا وضع هذا المصطلح منتقدا الأدب اللاتيني المتأخر، والمؤرخ الإنجليزي جيبون وصف العصور المظلمة بألف سنة من الهمجية والدين.

علم ياقايد علمنا كيف ندمر مستقبلنا!

 
hitler and me
أكثر حاجة مضحكتني هاليومين هما أنصار معمر. مجرد البلاد ماتخش بعضها يجوك يقولولك (مش قلنالكم هذا اللي بيصير؟) و(سينصفنا التاريخ) وغيره من الأسلوب متع حني على صح وإنتم على خطأ.
معمر كان يقدر يطور من ليبيا ولا لا؟ كان يقدر يدخلنا للعالم بدل ما يجهلنا ويدسنا في حكة ومايطلع منها إلا اللي عنده جهد؟ صح ولا؟ ماكانش يقدر يخلينا ناش مثقفين متعلمين ولا لا؟ هو إختار إنه يجهلنا ويخلي التعليم بالواسطة ويعيش هو وحاشيته من فلوس نفط البلاد والباقي يستثمره برا ومايطلعش منها إلا جماعته وبس ولا؟اقرأ المزيد »علم ياقايد علمنا كيف ندمر مستقبلنا!

مبهاك يامرت بوي الأولة!

بالنسبة ليا لما نتكلم على النظام السابق، مش معناها ننسو اللي عندنا توا.. لا لا الكلام هذا نستعمل فيه للناس اللي تقول مبهاك يامرت بوي الأولة.
إيه نعم عندنا مصايب توا لكن لاتجوز مقارنة 4 سنين ب42 سنة خصوصاً شباب توا اللي عرفو ليبيا والسياسة في 2011 وكان همهم الأول والأخير هو تحصيل حق السبسي والمكياطة والعكسة في الشوكة والنت كان مجرد ياهو مسنجر وتعارف والجرايد والكتب كانت مجرد “نفخ” او مايعرفو منها إلا آخر صفحتين متع الرياضة.
زمان كانت عندنا مصيبة إسمها معمر، توا مصيبتنا حني نفسنا، ومخلطة بين معمر وفبراير، حجب مواقع إختطاف أصحاب رأي، قتل إعلاميين، وصح زادت نسبة الحرية لكن القمع ما إنقصش، يعني الزوز زادو مع بعض، وكان املنا كبير إن ايصير تغيير، لكن فعلاً، ربي عزل وجل مش حيغيرنا لين نغيرو اللي في نفسنا.اقرأ المزيد »مبهاك يامرت بوي الأولة!

استجوب كل شيء، لكن بذكاء

question_everythingمرات نظرتنا الدونية لنفسنا مخليتنا نطلعو بردود أفعال عبيطة.
علاش مانقدروش نطلعو بفيديو داعشي مصورينه من فوق؟ ماعمركم شفتو تصوير كاميرات الواسعة الزاوية كيف تخلي الصورة تبان بعيدة؟؟ و لو مصورينه بتأثيرات معينة علاش التهويل ووصفها بتأثيرات هوليوود وهي موجودة في أي برنامج تشريه بدينار ونص من الظهرة؟؟
هل حني أغبياء لدرجة مش قادرين نصورو فيديو ونحطوه عالنت؟اقرأ المزيد »استجوب كل شيء، لكن بذكاء