الأخير لاخر.. تتكلم إيقيموك. هادي حرية فبراير. وكان نندري عليهم الليبيين هكي راني ماطلعتش ضد معمر. هذا من الأخير. لأنه الليبيين إتضح إنهم مايستاهلوش ليبيا. ولايستاهلو حرية. ولايستاهلو دولة قانون.
مش إن الطلعة ضد الظالم غلط، لا لا ماتفهموهاش هكي، أني لو كنت نعرف بس الليبيين على حقيقتهم، راني قعمزت في حوشي وراني توا نسب في الفبرايريين كلهم على بكرة أبيهم، لأني حنبدا مش منهم.اقرأ المزيد »سامحوني
من وجهة نظر لاعب للألعاب “الحاسوبية” لما نتخيل الكون لعبة محاكاة كبيرة، نفكر كيف حنقدر نعيّش هالكائنات على مصدر طاقة مصيره النضوب ومانلقاش حل إلا الطاقة الشمسية.
السؤال هو علاش ليبيا ماتحولتش للطاقة الشمسية وعلاش فلوس النفط مايمشيش جزء كبير منها لتطوير هالمجال؟
خيرهم فلوس النفط كلهم ماشيات معاشات!؟ الناس اللي تاخد في هالمعاشات ماعندهاش إنتاج؟اقرأ المزيد »انتهت اللعبة
دعنا نتفق في البداية أن كل مايدور في ذهنك سيبقى حبيس خيالك فقط، إن لم تنطق به أو تدونه فقد تنساه في صباح اليوم التالي حين تزول كل مسبباته، فإن نطقت به للآخر فربما تكون سبباً في قدح زناد عقله، أما حين تتم كتابته فسيتحوّل إلى حقائق ملموسة قابلة للنقاش والنقل والحفظ، سواء لغيرك أو لنفسك.
تتصل بيه الجمعة تقوله بنحجز موعد كشف لولدي، يقولك تعالا التمانية ونص ماتجينيش التسعة! باهي نجيب الولد معاي ولا شني؟ إيه جيبه معاك.
تنوض الستة ونص باش تمشي لحوش النسابات تحط عندهم البنية وتوتيلها شنطتها من حليب وشمالات وغيره.. في يوم إجازة حناها اللي بترتاح فيه.
تمشي جري طول الطريق باش تلحق على الموعد وتوصل بالزبط في الموعد ال8:29 بالزبط وتخش وماتلقى حد إلا موظف واحد تقوله أني اللي كلمتك أمس، يقولك إيه عرفتك وياخد منك 30 دينار ورقم تلفونك ويسجلك رقم 12.
تنوض السبعة باش تكون في طابور المصرف اللي في الشارع التمانية والذبان يزن عليك، مع أحاديث قصف مطار معيتيقة والتحليلات العسكرية الفذة، ويجيك نوري يقولك معليشي أوقف عالحيط باش ما إتضايقش السيارات، وتوقف وتسمع كلام نوري، كله باش تلحق تخش “زوز زوز” وتجري الداخل تسجل إسمك في القائمة اللي تتسكر التسعة ونص وتقعد واقف في الممرات اللي مافيهاش ولا كرسي وكله يهون باش تخش تقعمز الساعة الحداش ونص بعد مايطق فيك الدور وتقعد متع ساعة وشوية بين زوز موظفات وحدة تشد في راسها وتقول لمحمد يفتح الباب لأن المكتب “غط” والتانية تسب في المنظومة وتقولي إن شاء الله نقدر نكملك معاملتك.اقرأ المزيد »دوامة مصرف!
مراجعة لتطبيق منظومة ليبيانا على البلاي ستور لأنظمة اندرويد والحديث حول إنتهاكه لخصوصية المستخدمين، بالإضافة لشرح مستفيض وبالدليل لطريقة إستخدامه لمعلومات جهات الإتصال في هاتفك ويقوم برفعها لقاعدة بياناته على الإنترنت ليوفرها للجميع مجاناً.
الشجرة هادي لو تم زراعتها في ليبيا حيتم إزالتها لأحد – أو كل – الأسباب التالية: توسخ في الشارع. إيدرسو في السيارات تحتها. تجيب في… اقرأ المزيد »قصة الأشجار في ليبيا
مايكروسوفت فاتت تسمية الويندوز9 وسماته ويندوز10 بسبب دالة برمجية موجودة في هلبا تطبيقات من شركات تانية واللي ممكن تسبب في ربكة ومشاكل في حالة تنزيل هالتطبيقات على الويندوز في حالة سموه ويندوز9.
طبعاً في هالحالة الكل حيقول المشكلة في الويندوز وإنه نظام تشغيل فاشل ومش حيفكر حد ان المشكلة في التطبيقات هادي نفسها مش نظام التشغيل.
لهذا مايكروسوفت فعلاً وبحركة ذكية وبسيطة غيرت من إسم نظام التشغيل إلى ويندوز10 لتفادي المصايب اللي ممكن تصير 🙂اقرأ المزيد »لماذا ويندوز10 بدلاً عن ويندوز9
الحراك المدني في ليبيا يحتاج لوجود شريحة عريضة ومفقودة في المجتمع الليبي، ألا وهي شريحة المدنيين، للأسف العقلية ممحية وغير موجودة، وحمية الجاهلية هي التي تحكم، نصرة الأخ وابن العم والقبيلة وحتى إبن الجيران هي الفاصل لفك أي نزاع، أو حتى بدء حرب.
الكهرباء ليوم الجمعة تم قطعها 6 ساعات فقط حسب خطة توزيع الأحمال، لكن ما لا أفهمه أن علي تحمل 6 ساعات دون كهرباء وفي ذات الوقت جميع المحلات تقريباً مقفلة ظهر الجمعة، كما ان كل المؤسسات الحكومة مقفلة، بالإضافة لنزوح العديد من العائلات من منازلها ولاننسى أخبار تركيب محطات قدرتها بضع ملايين من الواط.
هذا الشيء يجعلني أؤمن بأن السبب واحد من إثنين:اقرأ المزيد »أزمة الكهرباء ويوم الجمعة
