حياة يومية

نحن بحاجة لبرنامج أو مكان أو شيء ما ليأخذنا خارج قوقعتنا.. نحتاج لبرنامج يكسر قيود هذا المحيط المحدود ويسافر بنا لمكان آخر كله الوان.. شيء جديد جميل ومثير نتعرف عليه لأول مرة عبر كلمات أو صور أو حتى صوت.
إن العالم كبير وواسع، وإن حاولت تخيل ما يحدث الآن خلال دقيقة واحدة فقط في كوكبنا لكان كفيلاً بإعلامك حقيقة حجمك.
نحتاج إلى رشفات يومية صباحاً مساءً من أكسير حياة يفتح عيوننا على بشر آخرين فنعيش حكاياتهم وقصصهم.. نجاح وفشل.. فرح وكدر.. نريد وسيلة ما تصبح السبيل للوصول إلى كل الناس دون قيد وفي أي وقت.
لكن لحظة، ألا يوجد حتى إختراع واحد يلبي لنا هذه الحاجة؟اقرأ المزيد »خذني خارجاً من فضلك!

قصة أرض فيها قوتين.. القوة الأولى قوة الخير واللي تبي للمنطقة السلام والعدل والقوة التانية قوة الشر اللي تبي الفوضى تنتشر باش يقعد الجميع تحت سيطرة النخبة فقط.
الفئة الأولى هجمت كالصقور بقواتها وإحتلت الأرض وتحرروا الناس وعاشوا في حب ووئام والناس تضحك في وجهك والكل عنده أفكار وأمل لمستقبل أحسن.. بس.. لكم شهر بس..

شوية شوية القوات اللي فازت في الحرب والمتكونة من شباب صغار ورجال وشيوخ ونساء بدت أعدادها على الأرض تنقص.. منهم جرحى مشو خارج الأرض للعلاج.. ومنهم مبتوري الأطراف طلعوا لفترات أطول.. كذلك منهم من رجع لخدمته الأولى لأن العنف مش خبرته في الحياة ومنهم من قعد ضايع مش عارف وين يمشي ومنهم من إستمر يكتب ويتكلم ويهدرز.. لكن القوة اللي كانت تحمي في كلمة الحق داخل الأرض بدت تنقص من غير مايكون في حد يسد الفراغ.
اقرأ المزيد »قصة قصيرة: قوى الخير وقوى الشر

قصة حزينة وقديمة! بنهدرزها بالفلاقي ودون مراجعة باش يوصلكم الشعور من غير تزويق..

في أول ثانوي في ولد كان لابسني وديما يناشب فيا بسبب وبدون سبب.. على قد ماكلمت عليه الإدارة العسكرية ما يكلموش فيه.. بل في مرة واحد قالي وإنت إيديك محنيات ولا شني؟
مرة لقونا نتعاركو في الساحة عاقبونا حني الزوز بفلقة معتبرة حتى بعد ما قلت ان في شهود انه هو اللي بادي.. المهم الموضوع إني مش متاع مشاكل وقعدت نتفادى فيه لين جي يوم وشدني في الإستراحة مع قروبه وبدي يربرب عليا وسمعني من سب الجلالة وحروف الجر عليا وعلى اعضاء في جسمي والعيلة وأمي وغيرها اللي ماعمري سمعته.. طبعاً أي حد يسب الجلالة وقتها معناها أوقف وتفرج لأنه هذا مايخاف من حد حتى من ربي.. لهذا ماخد جي وقف معاي ووقفت بروحي والمدرسة كلها تتفرج علينا.. هو مش جاي بروحه بل معاه جماعة وحاولت نخوى شوية كالشوات من هنا وهناك.. لكن في واحد ولا إثنين لحقو عليا..اقرأ المزيد »قصة طالب ثانوي