نظام معمر

بالنسبة ليا لما نتكلم على النظام السابق، مش معناها ننسو اللي عندنا توا.. لا لا الكلام هذا نستعمل فيه للناس اللي تقول مبهاك يامرت بوي الأولة.
إيه نعم عندنا مصايب توا لكن لاتجوز مقارنة 4 سنين ب42 سنة خصوصاً شباب توا اللي عرفو ليبيا والسياسة في 2011 وكان همهم الأول والأخير هو تحصيل حق السبسي والمكياطة والعكسة في الشوكة والنت كان مجرد ياهو مسنجر وتعارف والجرايد والكتب كانت مجرد “نفخ” او مايعرفو منها إلا آخر صفحتين متع الرياضة.
زمان كانت عندنا مصيبة إسمها معمر، توا مصيبتنا حني نفسنا، ومخلطة بين معمر وفبراير، حجب مواقع إختطاف أصحاب رأي، قتل إعلاميين، وصح زادت نسبة الحرية لكن القمع ما إنقصش، يعني الزوز زادو مع بعض، وكان املنا كبير إن ايصير تغيير، لكن فعلاً، ربي عزل وجل مش حيغيرنا لين نغيرو اللي في نفسنا.اقرأ المزيد »مبهاك يامرت بوي الأولة!