منتدى الشبكة

السلام عليكم ورحمة الله وبركاته

كيف حالكم شن اموركم .

في حالة كنت تبي تتعلم لينيكس بطريقة منظمة من الصفر اذا هذا الموضوع قد يناسبك.

من فتره كنت اندور على مصدر (منظم) نتعلم منه لينيكس بحكم اني طالب IT ونبي أنكون اساس قوي بش نبدأ في دراسة واحد من مجال الأمن السيبراني.

ولقيت موقع اسمه ( Linux Journey ) الشي المميز في الموقع هاذا هو طريقته المنظمة في سرد المنهج .

الموقع مقسم على 22 جزء , يعريفك باالنظام وختيار التوزيعة المناسبة و يعلمك الأوامر الأساسية وتلاعب بي النصوص , ويعلمك الUser Roles and management و الPermissions وهلب حجات تانيه تطول كتابتها .

عن نفسي استفدت منه الموقع هلب وهاذي 3 النصائح يلي اني طبقتها واستفدة منها :

1- ضروري ضروري ضروري من التطبيق العملي , لأنك لو حفظت الأوامر بدون كثرت التطبيقي العملي, حتنساهم كلهم مع نهاية الأسبوع ( عارف لأن صارلي هكي ) .

2- نصيحة رقم ( 1 )

3- اخد ملاحظات اثناء التعلم يساعد على استذكار المعلومات اثناء المراجعة, ويفضل كتابة الملاحظات في كراسة بدل من كتابتها في الكمبيوتر , لأنك بكتابتها في الورقة او الكراسة حتساعد دماغك على الحفظ والتذكر المعلومة بشكل اسرع اثناء المراجعة .

رابط الموقع : https://linuxjourney.com/


ان شاء الله موفقين جميعا, والسلام عليكم ورحمة الله .

بارك الله فيك على المشاركة والنصيحة، كثرت علينا المواقع والمصادر ومعاش عرفنا بشن نبدو ولما حد يشاركنا خبرته فحيختصر علينا عناء التجربة وتضييع الوقت، فشكرا جزيلا لك