دعوة للمشاركة في حملة توعية

نقاش وحديث عن الطاقة الشمسية والرياح وأمواج البحار، وغيرها من طاقات نظيفة ومتجددة وأفضل حلولها وطرق الاستفادة منها
أضف رد جديد
صورة العضو الرمزية
علي الطويل
مؤسس المنتدى
مؤسس المنتدى
مشاركات: 6
اشترك في: الجمعة 09 أكتوبر 2020 - 21:09
مكان: طرابلس
اتصال:

دعوة للمشاركة في حملة توعية

مشاركة بواسطة علي الطويل »

نحاول نجهز محتوى على تجربتي مع الطاقة الشمسية اللي كانت عبارة عن قراءة ومشاهدة كم هائل من الفيديوات والمقالات من سنة 2016 وحتى مراجعة خبراء التركيب وبعض الأصدقاء اللي عندهم منظومات راكبة ونقاشهم وتفديدهم ساعات طويلة حتى تاريخ اليوم.

نبي المحتوى يوصل لأكبر قدر ممكن من الناس (الخبير مش محتاجني طبعاً) ويكون بلغة بسيطة باش نشجعك تفكر في استثمار مستدام أكثر من تضيع الوقت والمال على المولدات وبلغة الأرقام والحقائق مش مجرد آراء تقبل الطعن!

لهذا نبيكم تكتبولي تعليق فيه حاجة أو أثنين من اهم الحاجات اللي تبي تعرفها أو حاس أنه الناس فاهمتها غلط (مانبيش اسئلة عامة، أعطيني شيء محدد).

خود راحتك في اضافة اي تعليق مفيد لو ما عندك سؤال أو تحس روحك خبير في الموضوع وتبي تفيد الناس.

التفاعل حيحدد نوع المحتوى اللي بنقدمه هل محتوى واحد مكتوب (أو فيديو) أو سلسلة منها، أو نطلع لايف ونرد طول، أو نفوت الموضوع ونبدا ندير في مشاركة لفيديوات توعوية من ناس غيري.

المواضيع اللي نفكر فيها حتكون على النحو التالي:
1. مفاهيم على البتارية، الإنفيرتر، الالواح الشمسية.
2. كيف تحدد حجم المنظومة اللي تناسب احتياجك، وشن تركب بالزبط هل بتاريات وانفيرتر فقط كافيات أو تزيد الواح؟
3. حقائق لبعض المفاهيم الوهمية المنتشرة بين الناس.
4. عيوب ومزايا منظومة الطاقة الشمسية.
5. نصائح وكيف تحافظ على منظومتك لأطول عمر ممكن.

إنطلقو!!

(تم النشر على صفحتي في الفيسبوك هنا)
مدير ومؤسس المنتدى، تجدني على https://about.me/alitweel
أضف رد جديد