الجدوى الإقتصادية بين المولد والطاقة الشمسية

نقاش وحديث عن الطاقة الشمسية والرياح وأمواج البحار، وغيرها من طاقات نظيفة ومتجددة وأفضل حلولها وطرق الاستفادة منها
أضف رد جديد
صورة العضو الرمزية
علي الطويل
مؤسس المنتدى
مؤسس المنتدى
مشاركات: 6
اشترك في: الجمعة 09 أكتوبر 2020 - 21:09
مكان: طرابلس
اتصال:

الجدوى الإقتصادية بين المولد والطاقة الشمسية

مشاركة بواسطة علي الطويل »

- إنت مش حتخدم المولد 5 ساعات في اليوم لمدة 365 يوم محافظة عليه، لهذا تقدر كذلك تحافظ عالبتاريات في المنظومة الشمسية وتخدمها ساعات معينة في اليوم.

- لما تجي تقارن بين المولد والمنظومة الشمسية فإنت ما تحسبش في الوقت الضايع بين صيانته وتجميع النافطة والعناء اللي يجي معاها من قيمان وتشحيط ودوران.

- لما تجي تقارن في المولد مع المنظومة الشمسية تشوف في الفلوس اللي بتدفعهم أول مرة بس ما تشوفش في روحك في 5 سنوات قداش صرفت.
116189286_10158415998603490_4554987163203590476_n.jpg
116189286_10158415998603490_4554987163203590476_n.jpg (103.23 KiB) تمت المشاهدة 236 مرةً
- الصورة المرفقة فيها مثال لتحليل بالأرقام لمولد يشتغل 5 ساعات في اليوم لمدة 5 سنوات وقداش مصروفاته.

- لو تشغل في المولد نص السنة بس (فترة الشتي والصيف) اقسم الرقم النهائي على 2.

- المنظومة الشمسية تشتغل حسب استهلاكك، لو فات قدرة انتاج اللوحات فحتضطر تسحب من البتاريات ولو تصرف اقل من قدرة اللوحات فطول النهار البتاريات مش حيتم الصرف منهم ومش حتأثر عليهم.

- حاسبلكم النافطة على 2 دينار، لو بنحسبها على سعر اليوم 3 فزيد 9200 على الرقم النهائي.

- المصارف مفروض تدعم الموضوع هذا بكل قوة لأن المشكلة الأولى والأخيرة مش غلاء المشروع هذا بل ارتفاع الدفعة الأولى الشيء اللي يخلي الناس اللي نظرتها قصيرة مش مستوعبة أن هذا الحل الأمثل لمشاكلنا.

- في المستقبل ممكن شراء جهاز يبدا يعطي للساعة متع الدولة وتبدا تساهم في تغذيتها ويبدا حوشك محطة توليد كهرباء وقت أن خارج الحوش أو ما تصرفش في كل قدرة توليد الالواح الشمسية.

- الرقم اللي تشوف فيه مكتوب في الأخير بالأحمر راهو مش داخل فيه تكلفة صيانة الأعطال وتكلفة الضرر من توقف المولد عن العمل لفترة من الزمن ومش داخل فيه الضرر المعنوي وضياع الوقت وراء صيانته لأن ما عندكش ضمانة ولا صيانة في عين المكان.

احسبها صح وماتحاولش تحط عراقيل قدامك، حاول قبل ما تكتب تعليقك هداكا اللي يناشب أنك تحسبها بروحك وحتلقى نفس النتيجة.

(تم النشر على صفحتي في الفيسبوك هنا)
مدير ومؤسس المنتدى، تجدني على https://about.me/alitweel
أضف رد جديد